நவரச நாயகன் கார்த்திக்கும் களமிறங்குகிறார்!

நவரச நாயகன் கார்த்திக்கும் களமிறங்குகிறார்!

மீசை முளைக்காத வயசிலேயே சினிமாவில் நடிகரானவர் கார்த்திக். நடிகர் முத்துராமனின் மகனான இவரை பாரதிராஜா தனது அலைகள் ஓய்வதில்லை படத்தில் அறிமுகப்படுத்தினார். மோதிரக்கையினால் குட்டுப்பட்ட அதிர்ஷ்டம் அதன்பிறகு வேகமாக வளர்ந்தார் கார்த்திக்.

தமிழ் சினிமாவில் சிறந்ததொரு ரொமாண்டிக் ஹீரோவாக வலம் வந்தார். ஆனால், ஒரு கட்டத்தில் மார்க்கெட் டவுனானதால் அரசியலில் பிரவேசித்தார். என்றபோதும் அவர் சைன் பண்ண முடியவில்லை.

இந்நிலையில், கார்த்திக்கின் மகன் கெளதம் கடல் படத்தில் நடித்ததையடுத்து அடுத்தடுத்து பல படங்களை புக்காகி பிசியான நடிகராகி விட்டதால், தானும் அடுத்த ரவுண்டுக்கு தயாராகி விட்டார் கார்த்திக்.

அதற்கான முயற்சிகளை அவர் எடுத்து வந்ததையடுத்து, கே.வி.ஆனந்த்-தனுஷ் இணையும் படத்தில் கார்த்திக்கிற்கு முக்கியத்துவம் வாய்ந்த வேடம் கிடைத்துள்ளது. பிரபு, ராஜ்கிரண், சுரேஷ் என மாஜி ஹீரோக்கள் பலரும் அப்பா மற்றும் முக்கியத்துவம் வாய்ந்த வேடங்களில் நடித்து வருவதையடுத்து கார்த்திக்கின் இந்த திடீர் என்ட்ரி அப்பா நடிகர்கள் மத்தியில் பரபரப்பை ஏற்படுத்தியுள்ளது.